ඇමෙරිකානු හමුදා සහ සිරියානු ප්‍රජාතන්ත්‍රවාදී බලකාය නැගෙනහිර සිරියාවේදී ඉරිදා උදෑසන සිදුකළ හෙලිකොප්ටර් මෙහෙයුමකින් ISIS ප්‍රධානියෙකු අත්අඩංගුවට ගත් බව ඇමෙරිකානු මධ්‍යම හමුදා විධානය පවසයි.
ඔවුන් නිකුත් කළ නිවේදනයට අනුව, මෙම මෙහෙයුමේදී සිරියානු ප්‍රජාතන්ත්‍රවාදී බලකායේ හෝ ඇමෙරිකානු හමුදාවේ කිසිවෙකු හෝ කිසිදු සිවිල් වැසියෙකු ජීවිතක්ෂයට පත්ව නැත.
ලෝකයේ අමතක වූ ව්‍යසන පිටුදැකීම සඳහා වූ ඇ.ඩො.මිලියන 250ක හදිසි අරමුදල් යෙදවීමට එක්සත් ජාතීන්ගේ සංවිධානය සූදානම් වෙයි.
මෙම අමතක වූ ව්‍යසනයන් අතරට අප්‍රිකානු කලාපයේ උග්‍ර ආහාර හිඟයෙන් පීඩා විඳින ප්‍රජාවන්ට උදව් කිරීමද අයත් වන බව එක්සත් ජාතන්ගේ මහ ලේකම්වරයා පෙන්වා දෙයි.
"එක්සත් ජාතීන්ගේ මධ්‍යම හදිසි ප්‍රතිචාර අරමුදල වෙනුවෙන් මෙතෙක් ප්‍රකාශිත විශාලතම අරමුදල් මුදාහැරීම මා නිවේදනය කරනවා" යැයි අඉතියෝපියාවේ පැවති වාර්ෂික අප්‍රිකානු සංගම් සමුළුවට සමගාමීව පැවති ප්‍රවෘත්ති සාකච්ඡාවකදී අන්තෝනියෝ ගුටරෙස් පැවසීය.
