ජපානයේ හිටපු අගමැති ෂින්සෝ අබේ එක්සත් ජනපද න්‍යෂ්ටික අවි සඳහා සත්කාරකත්වය සැපයීමට යෝජනා කිරීමෙන් පසුව ඇමෙරිකාවේ න්‍යෂ්ටික ඉතිහාසය ගැඹුරින් මෙනෙහි කරන ලෙස චීනය, ජපානයට සිහිපත් කර දෙයි.
නැගී එන භූ දේශපාලන ආතතීන් මධ්‍යයේ ආරක්ෂාව ඉහළ නැංවීම සඳහා උපායමාර්ගික එක්සත් ජනපද ආයුධ සත්කාරකත්වය සැපයීමට සලකා බැලීමට හිටපු අගමැති ෂින්සෝ අබේගේ කැඳවීම සම්බන්ධයෙන් චීනය මෙසේ ප්‍රතිචාර දක්වා ඇත.
"ජපාන දේශපාලනඥයන් තායිවානය සම්බන්ධ මිත්‍යාවන් නිතර පතුරුවනවා. ඒ වගේම ජාතියේ න්‍යෂ්ටික නොවන මූලධර්ම උල්ලංඝනය කරන සාවද්‍ය ප්‍රකාශ පවා සිදුකරනවා" යැයි චීන විදේශ අමාත්‍යාංශයේ ප්‍රකාශක වැන්ග් වෙන්බින් පැවසීය.
එම මූලධර්මවලට න්‍යෂ්ටික අවි සන්තකයේ තබා ගැනීම, නිෂ්පාදනය කිරීම හෝ හඳුන්වා දීම තහනම් කිරීම ඇතුළත් වෙයි. න්‍යෂ්ටික අවිවලින් ප්‍රහාරයට ලක් වූ එකම රට වන ජපානය, දෙවැනි ලෝක යුද්ධයෙන් ලද දරුණු පරාජයෙන් පසු සාමවාදී ව්‍යවස්ථාවක් සම්මත කර ගත්තේය.
කෙසේ වෙතත්, ඉරිදා රූපවාහිනී සම්මුඛ සාකච්ඡාවකදී අබේ පැවසුවේ ජපානය තම භූමියේ න්‍යෂ්ටික අවි තිබීම ගැන සලකා බැලීම තහනමක් ලෙස නොසැලකිය යුතු බවයි. නේටෝ සාමාජිකයන් වොෂිංටනය සමග බහුවිධ න්‍යෂ්ටික අවි හුවමාරු කිරීමේ ගිවිසුම් යටතේ එක්සත් ජනපද මූලෝපායික අවි ගබඩා කිරීමට සත්කාරකත්වය දරන බව සඳහන් කළ ඔහු, ලෝකය පුරා ආරක්ෂාව පවත්වා ගෙන යන ආකාරය ජපානය තේරුම්ගත යුතු බව කියා තිබුණි.
