තවමත් රටේ සීමා ඉවත් කළ පසු, නියමිත සෞඛ්‍යාරක්ෂක විධි ආරක්ෂා කරනු ඇතැයි කියා විශ්වාසය තැබිය නොහැකි බවත්, වෛරසය උදාසීන කරන එන්නතක් හෝ ප්‍රතිකාරයක් විද්‍යාව විසින් සොයාගැනීමෙන් පසුව පමණක් සීමා ඉවත් කළ හැකි බවත් පේරු හි ජනාධිපති මාටින් විස්කරා පවසයි.

කොවිඩ්-19 හේතුවෙන් හදිසි නීතිය පැනවූ දින සිට දින 101ක් සනිටුහන් කරමින් පැවති ප්‍රවෘත්ති සාකච්ඡාවකදී පේරු හි ජනාධිපති මාටින් විස්කරා වසංගතයට එරෙහිව තම පරිපාලනයේ ජයග්‍රහණ විස්තර කළ අතර වර්තමාන අභියෝගද පිළිගත්තේය.

රෝගීන් සඳහා ඔක්සිජන් නොමැතිකම සහ දේශීය වෙළෙඳ පොළවල් සඳහා නීතිරීති වැඩිදියුණු කිරීමේ අවශ්‍යතාව වැනි විස්කරා තම රටේ කොරෝනා වෛරසයට එරෙහි අරගලයේ වර්තමාන ගැටලු හඳුනාගෙන ඇත.

ආර්ථිකය සමනය කිරීම සඳහා ඔහුගේ රජය පසුගිය සඳුදා සිට වෙළෙඳ සැල් නැවත විවෘත කිරීමට අවසර දුන් නමුත් වෙළෙඳ සැල් කරා ඇදෙන විට වර්තමාන සමාජ දුරස්ථභාවය සහ සනීපාරක්ෂක නීති ලිහිල් නොකරන ලෙස ජනාධිපතිවරයා ජනතාවගෙන් ඉල්ලා සිටියේය.

ලතින් ඇමරිකාවේ බ්‍රසීලයට පසුව තහවුරු වූ දෙවැනි වැඩිම කොරෝනා ආසාදිතයන් පේරු රාජ්‍යයෙන් වාර්තා වන අතර, පේරු හි මේ වනවිට කොවිඩ්-19 ආසාදිතයන් 264,689ක් සහ මරණ 8,586ක් වාර්තා වන බව ජෝන්ස් හොප්කින්ස් විශ්වවිද්‍යාලය පවසයි.. වසංගතයට එරෙහිව සටන් කිරීම සඳහා හදිසි තත්ත්වයක් සහ අගුලු දැමීම් පැනවූ කලාපයේ පළමු රටවල් අතුරින් එකක් පේරු වේ.