යුක්රේනයේ යුද්ධය භූමියේ පමණක් නොව අන්තර්ජාලයේද ඇවිලෙමින් පවතින බව G7 රටවල ඩිජිටල් ඇමතිවරු ප්‍රකාශ කරති.
G7 රටවල ඩිජිටල් ඇමතිවරු ඩසල්ඩෝෆ් හි දින දෙකක රැස්වීමක් අවසන් කර ඇති අතර, එහිදී සයිබර් ආරක්ෂණය, දත්ත ආරක්ෂණය සහ තරඟකාරී ඩිජිටල් වෙළෙඳපොළ පිළිබඳ ප්‍රධාන ගැටලු සාකච්ඡා කරමින් මෙසේ පවසා තිබේ.
"සංඛ්‍යාංක ගෝලය යුධ පිටියක් ලෙස භාවිතයට එරෙහිවීමට අපි අධිෂ්ඨාන කරගෙන සිටිනවා. අපි රුසියාවේ ද්වේෂසහගත සයිබර් ක්‍රියාකාරකම්, තොරතුරු හැසිරවීම, මැදිහත්වීම් සහ මාර්ගගත සාවද්‍ය තොරතුරු ව්‍යාපාර හෙළා දකිනවා. අපක්ෂපාතී සහ සත්‍ය තොරතුරු වෙත ප්‍රවේශ වීමට රුසියාවේ මිනිසුන්ට ඇති අයිතිය අපි තහවුරු කරන අතර, අන්තර්ජාලය හරහා අදහස් ප්‍රකාශ කිරීමේ නිදහස ආරක්ෂා කිරීමට අපි කැපවී සිටිනවා" ඔවුන් වැඩිදුරටත් පැවසීය.
