ඔස්ට්‍රියාවේ රජය නව අගුලු දැමීමක් ප්‍රකාශයට පත් කර ලබන වසරේ එන්නත් අනිවාර්ය කරන බව ප්‍රකාශ කිරීමෙන් දිනකට පසු දහස් සංඛ්‍යාත ජනතාව කොරෝනා වෛරස් සීමාවන්ට එරෙහිව වියානාහි විරෝධතාවකට එක්විය.
විසිල් ගසමින්, අත්පුඩි ගසමින්, නළා පිඹිමින් සහ බෙර ගසමින්, මධ්‍යම වියානාහි පැරණි අධිරාජ්‍ය මාලිගාව වූ හොෆ්බර්ග් ඉදිරිපිට වීරයන්ගේ චතුරශ්‍රයට මෙසේ පැමිණි බොහෝ දෙනෙකු අන්ත දක්ෂිණාංශික ආධාරකරුවන් බව එරට මාධ්‍ය වාර්තා පවසයි.
බොහෝ විරෝධතාකරුවෝ ඔස්ට්‍රියානු ධජ ඔසවමින් "එන්නත් එපා", "ඇති ඇති" හෝ "ෆැසිස්ට් ආඥාදායකත්වය පරාජය කරමු" වැනි සටන් පාඨ සහිත පුවරු රැගෙන ගියහ.
කොවිඩ්-19 වෛරසයට එරෙහිව එන්නත් ලබාගැනීම අනිවාර්ය කළ යුරෝපයේ පළමු රට බවට ඔස්ට්‍රියාව පත්වීමත් සමග මෙම විරෝධතා උත්සන්න වී තිබේ.
