ලෝක සෞඛ්‍ය සංවිධානයේ (WHO) බදාදා නිකුත් කරන ලද නවතම සතිපතා වසංගත වාර්තාවට අනුව, පසුගිය සතියේ අග්නිදිග ආසියාව, මැද පෙරදිග සහ යුරෝපයේ කොවිඩ්-19 වෛරස් රෝගීන් සංඛ්‍යාව ඉහළ ගොස් තිබේ.

කෙසේ වෙතත් ගෝලීය වශයෙන් මරණ සංඛ්‍යාව 16%කින් පහත ඇති බව පැවසූ ලෝක සෞඛ්‍ය සංවිධානය, පසුගිය සතියේ නව කොවිඩ්-19 ආසාදන මිලියන 3.3ක් සහ මරණ 7,500ක් වාර්තා වී ඇති බව කියයි.

කෙසේ වෙතත් අග්නිදිග ආසියාවේ සහ මැද පෙරදිග කලාපයේ කොවිඩ්-19 ආසාදිතයන් 45%කින් සහ යුරෝපයේ 6%කින් පමණ රෝගීන් ඉහළ ගොස් ඇති බවද එම වාර්තා පෙන්වා දෙයි.

මරණවලින් 4%ක සුළු වැඩිවීමක් වාර්තා කළ එකම කලාපය අග්නිදිග ආසියාව වන අතර, වෙනත් ස්ථානවල සංඛ්‍යා පහත වැටුණි. ගෝලීය වශයෙන්, නව කොවිඩ්-19 රෝගීන් සංඛ්‍යාව ජනවාරි මාසයේ ඉහළ යාමෙන් පසු පහත වැටෙමින් තිබේ.

කුඩා දරුවන් සාමාන්‍යයෙන් වැඩිහිටි දරුවන් සහ වැඩිහිටියන් මෙන් කොවිඩ්-19 රෝගයෙන් පීඩා විඳින්නේ නැතත්, ඔමික්‍රොන් රැල්ල ඔවුන්ගේ රෝහල්ගතවීම් ඉහළ ගොස් ඇත. එන්නත් කිරීමෙන් ලැබෙන ප්‍රතිලාභ අවම අවදානම්වලට වඩා වැඩි බව ඇමරිකානු විශේෂඥයෝ තීරණය කරමින්, මේ වනවිට එරට අවුරුදු 5ට අඩු දරුවන්ටද ෆයිසර් සහ මොඩෙර්නා එන්නත් ලබාදෙයි.