බංග්ලාදේශ අගමැතිනී ෂෙයික් හසීනාගේ ඥාති මුණුපුරෙකු කොළඹ ෂැංග්‍රි-ලා හෝටලයේ සිදුවූ මරාගෙන මැරෙන බෝම්බ ප්‍රහාරයෙන් ජීවිතක්ෂයට පත්ව තිබේ.
පසුගිය 21දා කොළඹ හෝටල් සහ දේවස්ථාන ඉලක්ක කරමින් එල්ල වූ ඉස්ලාම් ජිහාඩ් ත්‍රස්ත ප්‍රහාර මාලාවේදී ෂැංග්‍රි-ලා හෝටලය වෙතද ප්‍රහාර ද්විත්වයක් එල්ල විය.
මියගිය දරුවා 8 හැවිරිදි සායාන් චවෞද්‍රී ලෙස හඳුනාගෙන ඇති අතර, ඔහු අගමැතිනී හසීනාගේ ඥාති මුණුපුරෙකි. මෙම ප්‍රහාරය සිදුවන අවස්ථාවේදී ඔහු සිය පවුලේ අය සමග හෝටලය තුළ උදෑසන ආහාර වේල ගනිමින් සිටි බව කියයි.
