එක්සත් ජාතීන්ගේ මහලේකම් ඇන්ටෝනියෝ ගුටරෙස් පුනර්ජනනීය බලශක්තියට පක්ෂව තෙල්, ගෑස් සහ ගල් අඟුරු භාවිතය තහනම් කරන ලෙස ඉල්ලීමක් සිදුකර තිබේ.
"මානව වර්ගයා අපගේ එකම නිවහන පුළුස්සා දැමීමට පෙර පොසිල ඉන්ධන දූෂණය අවසන් කර පුනර්ජනනීය බලශක්ති සංක්‍රාන්තිය වේගවත් කළ යුතුයි" යනුවෙන් ඔහු තර්ක කළේය. එක්සත් ජාතීන්ගේ ලෝක කාලගුණ විද්‍යා සංවිධානයේ (WMO) ගෝලීය දේශගුණික තත්ත්වය පිළිබඳ වාර්තාවට සමගාමීව බදාදා නිකුත් කරන ලද පූර්ව වාර්තා ප්‍රකාශයේදී හෙතෙම මෙසේ කීවේය.
හරිතාගාර වායු සාන්ද්‍රණය, මුහුදු මට්ටම ඉහළ යාම, සාගර උණුසුම සහ සාගර ආම්ලිකකරණය යන ප්‍රධාන දේශගුණික විපර්යාස දර්ශක හතෙන් හතරක් පසුගිය වසරේ වාර්තාගත ඉහළ මට්ටම් කරා ළඟා වූ බවට WMO අනතුරු ඇඟවීය. පසුගිය වසර හත වාර්තාගත උණුසුම්ම වසර වූ අතර, WMO මහලේකම් පෙටේරි ටලාස් පැවසුවේ තවත් උණුසුම්ම වසරක් වාර්තා කිරීමට පෙර එය කාලය පිළිබඳ ප්‍රශ්නයක් බවයි.
