ස්පාඤ්ඤයට නීතිවිරෝධී ලෙස පැමිණෙන සංක්‍රමණිකයන් සංඛ්‍යාව පෙර වසරට වඩා 2022 දී හතරෙන් එකකට වඩා පහත වැටී තිබේ.

ප්‍රධාන වශයෙන් මුහුදු මාර්ග හරහා සිදුවන පැමිණීම් පහත වැටීම මීට හේතුව බව අභ්‍යන්තර කටයුතු අමාත්‍යාංශය පවසයි.

පසුගිය වසරේ අනවසරයෙන් පුද්ගලයන් 31,219දෙනෙකු ස්පාඤ්ඤයට ඇතුළු වූ අතර, එය 2021 දී වාර්තා වූ 41,945 සිට මෙම පහත වැටීම සිදුව ඇත. එනම්, 25.6%ක පහත වැටීමක් සහ දෙවැනි වරටත් අඛණ්ඩව පහත වැටීමක් බව අමාත්‍යාංශය සිය වාර්ෂික සංක්‍රමණ වාර්තාවේ සඳහන් කරයි.

සංක්‍රමණිකයන්ගේ "සම්භවය සහ සංක්‍රමණ රටවල් සමග සහයෝගීතාව" සහ "මිනිසුන් ප්‍රවාහනය කරන මාෆියාවන්ට එරෙහිව සටන ශක්තිමත් කිරීම" මෙම පහත වැටීමට තවත් හේතුවක් බව අභ්‍යන්තර කටයුතු අමාත්‍යාංශය පැවසීය.