සිරියාව තුළ ඇමෙරිකානු ගුවන් හමුදාව සිදුකළ ගුවන් ප්‍රහාරයකින් ඔසාමා බින් ලාඩ්න්ගේ සමීප සගයෙකු ඇතුළු අල්කයිඩා සාමාජිකයන් 11දෙනෙකු ජීවිතක්ෂයට පත්ව තිබේ.

පෙන්ටගනයේ මාධ්‍ය ප්‍රකාශක කපිතාන් ජෙෆ් ඩේවිස් පවසා සිටියේ පෙබරවාරි 3 වැනිදා සිදුකළ ගුවන් ප්‍රහාරයෙන් අල්කයිඩා සාමාජිකයන් 10 දෙනෙකු ජීවිතක්ෂයට පත්වූ බවයි.

එමෙන්ම, පෙබරවාරි 4 වැනිදා සිදුකළ ප්‍රහාරයෙන් අබු හානි අල්-මස්රි හෙවත්, ඔසාමා බින් ලාඩන්ගේ සමීප සගයෙකුද ජීවිතක්ෂයට පත්වූ බවද හෙතෙම පවසා සිටියේය.

වර්ෂ 1980 සහ 90 දශකවල අල්-මස්රි විසින් ඇෆ්ගනිස්ථානය තුළ අල්කයිඩා පුහුණු කඳවුරු පවත්වාගෙන ගිය බව දැනගන්ටන තිබේ.

2011 වසරේදී ඇමෙරිකනු ප්‍රහාරයකින් ඔසාමා බින් ලාඩන් ජීවිතක්ෂයට පත්වූ පසුව අල්කයිඩා සංවිධානයේ නායකත්වයට පත්වූ අයිමාන් අල්-ස්වාහිරීගේ සමීපතමයෙකු ලෙසද ඔහු සැලකෙයි.