තිරසාර සංවර්ධනය උදෙසා වන ප්‍රාන්ත රාජ්‍යන්ගේ එකමුතු ජාලයෙ හි 13 වැනි වාර්ෂික සමුළුව හා දේශගුණික විපර්යාසයන් අවම කිරීමට අදාළ ජාත්‍යන්තර මහා සමුළුව සැප්තැම්බර් මස 07 සිට 09 වැනිදා දක්වා කොළඹ හිල්ටන් හෝටලයේ දී පැවැත්වීමට නියමිතය.

සිකුරාදා (04) බස්නාහිර පළාත් සෞන්දර්යය නිකේතනයේ පැවති සමුළුව පිළිබඳ මාධ්‍ය දැනුම්වත් කිරීමේ ප්‍රවෘත්ති සාකච්ඡාවේදී බස්නාහිර පළාත් කෘෂිකර්ම, ගොවිජන සංවර්ධන, සුළු වාරිමාර්ග කර්මාන්ත, පරිසර හා සංස්කෘතික කලලා කටයුතු අමාත්‍ය ගාමිණී තිලකසිරි මහතා මේ බව පැවසීය.

13 වැනි මහා වාර්ෂික සමුළුව සැප්තැම්බර් 07 වැනි දින සිදුකෙරෙන අතර, දේශගුණික විපර්යාස අවම කිරීම හා අනුගත වීමට අදාළ ජාත්‍යන්තර මහා සමුළුව සැප්තැම්බර් 08 වැනිදා ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් ආරම්භ වී සැප්තැම්බර් 09 වැනිදා දක්වා පැවැත්වීමට නියමිතය.

මෙහි සත්කාරකත්වය ශ්‍රී ලංකාවට හිමි අතර බස්නාහිර පළාත් සභාව විසින් සියලුම සංවිධාන කටයුතු සිදු කරනු ලැබේ. මේ සඳහා අප්‍රිකානු, ඇමරිකානු, යුරෝපීය, ආසියානු සහ ආසියා පැසිෆික් කලාපීය රටවල් 37ක සාමාජිකයන් සහභාගී වීමට නියමිතය.