2023 පළාත් පාලන මැතිවරණයට පස්සර හා ලුණුගල ප්‍රාදේශිය සභා සඳහා ඉදිරිපත්වීමට බදුල්ල සහකාර මැතිවරණ කාර්යාලයේ තැම්පත් කළ ඇප මුදල් එවකට සමගි ජන බලවේගයේ පස්සර ආසනය නියෝජනය කළ සංවිධායක හිටපු රාජ්‍ය ඇමති වඩිවේල් සුරේෂ් මහතා පසුගියදා අපේක්ෂකයින්ට නොදන්වා රුපියල් 70500ක මුදලක් ලබාගෙන අතුරුදන්ව ඇතිබවට අපේක්ෂකයෝ චෝදනා කරති.
පළාත් පාලන මැතිවරණය සදහා ලුණුගල ප්‍රාදේශිය සභාවට ඉදිරිපත් වන අපේක්ෂකයින් 23 දෙනාගෙන් සහ පස්සර ප්‍රාදේශිය සභාවට
ඉදිරිපත් වන 24 දෙනෙකු විසින් මැතිවරණ කාර්යාලයේ තැම්පත් කළ රුපියල් 70500ක ඇප මුදල හිටපු අමාත්‍යවරයාගේ ලේකම්වරයෙකු මාර්ගයෙන් පසුගිය පෙබරවාරි 25 දින බදුල්ල සහකාර මැතිවරණ කාර්යාලයෙන් ලබාගෙන තිබෙන බව අපේක්ෂකයින් කියයි.
මෙම අපේක්ෂකයින් හිටපු අමාත්‍යවරයාගෙන් දුරකතනයෙන් කතා කර තමන් තැම්පත් කළ රුපියල් 1500ක ඇප මුදල ලබාදෙන ලෙස ඉල්ලා සිටියදි බැංකු ගිණුම් අංකය ඉල්ලාගෙන තිබුණත් මෙතෙක් මුදල නොළඹුන බව මොවුන් කියයි.
මේ පිළිබදව සමගි ජනබලවේගයේ හිටපු පස්සර ආසන ප්‍රධාන සංවිධායක සහ වර්තමාන බදුල්ල දිස්ත්‍රික් එක්සත් ප්‍රජාත්‍රන්ත්‍රවාදි හඩ පක්ෂයේ නායක වඩිවේල් සුරේෂ් මහතාගෙන් විමසු විට මෙසේ පැවසීය,
"මම දැන් සමගි ජනබලවේගයේ පස්සර ආසන සංවිධායක නෙවෙයි. මම ඉදිරියේදි මොන පක්ෂයේද කියලා කියන්නම්,මම අයින්වුනාට පස්සේ තුන්දෙනෙක් සංවිධායක වුනා,මම ඇප මුදල් ඇරගෙන සමගි ජනබලවේගයේ පක්ෂ මුලස්ථානයට දුන්නා, අපේක්ෂකයින්ට රුපියල් 1500ක් නැත්නම් මොනාටද ජන්දය ඉල්ලන්න එන්නේ" යැයි පැවසීය,
ප්‍රසන්න පද්මසිරි
