තායිලන්තයේ පැවති 2025 - ලෝක සම්භාහන තරගාවලියට (Universal Massage Championship - 2025) ශ්‍රී ලංකාව නියෝජනය කරමින් සහභාගී වූ ප්‍රනීත් ලසන්ත , එම තරගාවලියේ දී අනුශූරතාවය දිනා ගනිමින් ශ්‍රී ලංකාවට පළමු වරට සම්භාහන ක්ෂේත්‍රයෙන් රිදී පදක්කම දිනා ගැනීමට සමත් වී තිබූ අතර , ඔහු 03/02 දින රාත්‍රී එය රැගෙන   කටුනායක ගුවන් තොටුපළ වෙත පැමිණියේය .

ලෝක සම්භාහන ෆෙඩරේෂනය( World Massage Federation ) මගින්  සංවිධානය කළ මෙම තරගාවලිය , තායිලන්තයේ චියන් රායි ( Chiang Rai ) නුවර ඉකුත් 02/26 දින සිට 02/28 දින දක්වා ලෝකයේ රටවල් 21 ක ක්‍රීඩක ක්‍රීඩිකාවන් 80 දෙනකුගේ සහභාගිත්වයෙන් පවත්වා තිබුණි.

ශ්‍රී ලංකාව නියෝජනය කරමින් පළමු වරට මෙම තරගාවලියට සහභාගී වූ ප්‍රනීත් ලසන්ත , එහි ස්පා ඇන්ඩ් වෙල්නස් ( Spa and Wellness ) ඉසව්වෙන් අනුශූරතාවය දිනා ගනිමින් , ශ්‍රී ලංකාවට පළමු වරට , ලෝක සම්භාහන තරගාවලියක දී රිදී පදක්කමක් දිනා ගැනීමට සමත් වී තිබුණි .

මෙම පදක්කම දිනා ගත් ලසන්ත 03/02 දින රාත්‍රී 10.00 ට තායිලන්තයේ බැංකොක් නුවර සිට , එයාර් ඒෂියා ගුවන් සේවයේ එෆ්.ඩී.- 140 දරන ගුවන් යානයෙන් කටුනායක ගුවන් තොටුපොළ වෙත පැමිණි අතර , ඔහු පිළිගැනීමට මෙම ක්ෂේත්‍රයේ හිතවතුන් පිරිසක් ගුවන් තොටුපල වෙත පැමිණ සිටියහ .