වර්තමාන විදුලිබල මණ්ඩලයේ සභාපතිවරයා විදුලිබල මණ්ඩලයට උපදේශනය ලබා දෙන සමාගමකත් කටයුතු කරන බවත්, එම සමාගමේ අධ්‍යක්ෂ මණ්ඩලයේ ඔහුගේ බිරිඳ කටයුතු කරන බවත් නව ප්‍රජාතන්ත්‍රවාදී පෙරමුණේ පාර්ලිමේන්තු මන්ත්‍රී චාමර සම්පත් දසනායක මහතා පැවසීය.
පාර්ලිමේන්තුවේ අද (03දා) පැවති කාරක සභා අවස්ථාවේ විවාදයට එක්වෙමින් හෙතෙම මේ බව සඳහන් කළේය.
එහිදී වැඩිදුරටත් මන්ත්‍රීවරයා මෙලෙස අදහස් දක්වා සිටියේය.
"සිද්දියක් වුණාම අපහසුතාවයට පත්වෙන්නේ මේ 225 සහ ආණ්ඩුව නියෝජනය කරන 159. ඔය ඉන්න සභාපතිලා ඉන්නත් පුළුවන් යන්නත් පුළුවන්. සභාපතිට උවමනා විදියට මේ රට පාලනය කරන්න බෑ. මේ සභාපතිට තියෙනවා උපදේශන සභාවක්. ඒකේ අධ්‍යක්ෂ මණ්ඩලයේ ඉන්න සභාපතිවරයෙක්. මේ සභාපතිට තියෙනවා රිසෝස් මැනේජ්මන්ට් ඇසෝසියෙට්ස් කියන උපදේශන සභාවක්. මෙයා තමයි විදුලිබල මණ්ඩලයට උපදේශන දෙන්නේ. මේකේ එයාගේ නෝනා ඉන්නවා.
උපදේශන දෙන සමාගමක සභාපතිවරයෙක් විදුලිබල මණ්ඩලයට උපදේශන දීලා, සල්ලි හම්බකරන මනුස්සයෙක් සභාපති කළාම දැන් සෝලා සම්පූර්ණයෙන් නවත්වලා. පී.පී.ඒ ඇග්‍රිමන්ට් කීයක් අත්සන් නොකර ඉන්නවාද සෝලා වල. හේතුව සමහරු කැමති නෑ එල්.එන්.ජී පටන් ගන්න. එල්.එන්.ජී පටන් ගන්නත් උපදෙස් දෙන්නේ මේ සභාපතිතුමාගේ සමාගම. මේකේ අධ්‍යක්ෂක මණ්ඩලයේ මෙතුමාගේ නෝනා ඉන්නවා. මෙන්න මේවා නතර කර ගන්න."
