රුපියල් තිස් දහසක අල්ලස් මුදලක් ලබා ගැනීමේ චෝදනාව මත අල්ලස් හෝ දූෂණ චෝදනා විමර්ශන කොමිසම මගින් අත්අඩංගුවට ගත්, ගල්නෑව පොලිසියේ උප පොලිස් පරීක්ෂකවරයෙකු සහ පොලිස් කොස්තාපල්වරයෙකුගේ වැඩ තහනමට ලක් කල බව, අනුරාධපුර කොට්ඨාස ජේෂ්ඨ පොලිස් අධිකාරී කාර්යාලය පවසයි.
මෙලෙස වැඩ තහනමට ලක් කර ඇත්තේ ගල්නෑව පොලිසියේ අපරාධ අංශයේ සේවය කල ගල්නෑව අවුකන ප්‍රදේශයේ පදිංචි අමරසිංහ මුදියන්සේලාගේ චමින්ද රුවන් අමරසිංහ සහ ගල්කිරියාගම ආඩියාගල ප්‍රදේශයේ පදිංචිව සිටි ඒකනායක මුද්‍රංසේලාගේ ජය ලංකා සේනානායක නැමැති පොලිස් පොස්තාපල්වරයෙකි.
ඉකුත් 25දා තොරනේගම ,ගල්නෑව ලිපිනයේ පදිංචි ධර්මරත්න යන අය, නිවසේ වසර ගණනාවක් තිස්සේ තිබු, කොල මඩින යන්ත්‍රයක් ( සුනාමි යන්ත්‍රයක්) සොරකම් කර ඇති බවට පැමිණිලි කිරීම සදහා ගල්නෑව පොලිසියට පැමිණි අවස්ථාවේදී පැමිනිල්ල සටහන් නොකර විමර්ශනය සිදු කිරිමේදි පැමිනිලිකරුගේ පුතා විසින්, පැමිනිලිකරු නිවසේ නොමැති අවස්ථාවේ යකඩ බඩු මිලදි ගන්නා රණවිරු ගම්මානයේ පුද්ගලයෙකුට රු 60000 කට එම කොළ මඩින යන්ත්‍රය අලවි කර ඇති බවට පොලිසිය අනාවරණය කර ගෙන තිබේ.
අනතුරුව පැමිනිලි පාර්ශ්වය (සොරකම සිදු කළ පුද්ගලයාගේ පියා ) විසින් සුනාමි යන්ත්‍රය මිලදි ගන්නා ලද පුදගලයා හට මේ සදහා මුදල් ලබා දිමට එකග වි, නීති ක්‍රියා මාර්ග අවශ්‍ය නොවන බවට පොලිසියට දන්වා තිබේ.
අනතුරුව සැකකාර පොලිස් නිළධාරින් දෙදෙනා විසින් කොළ මඩින යන්ත්‍රය මිලදි ගෙන සිටි පුද්ගලයාගෙන්, අයගෙන් රුපියල් 30,000 ක මුදලක් ලබා දෙන ලෙස ඉල්ලා දුරකථන ඇමතුමක් ලබාදි ඇති අතර, ඉන් අනතුරුව කොළ මඩින යන්ත්‍රය මිලදී ගෙන තිබූ පුද්ගලයා ඉකුත් 1 දින මෙම මුදල් ලබා දිමට හැකි බව පවසා, ඒ පිළිබඳව අල්ලස් විමර්ශන කොමිසම වෙත පැමිනිල්ලක් ඉදිරිපත් කර තිබේ.
එම පැමිණිල්ලට අනුව ගල්නෑව පොලිස් ස්ථානයේ ක්‍රීඩා පිටිය ඉදිරිපිටදි සැකකාර පොලිස් නිළධාරින් අල්ලස් හා දුෂන විමර්ශන කොමිෂන් සභාවේ නිළධාරින් විසින් මෙලෙස අත් අඩංගුවටගෙන තිබුණි.
එම පැමිනිල්ලට අදාලව අල්ලස් විමර්ශන කොමිෂන් සභාවේ උ.පො.ප දිල්ෂාන් මහතා ඇතුලු නිළධාරින් කන්ඩායමක් විසින් මෙම වැටලිම සිදු කර නිළධාරින් දෙදෙනා අත් අඩංගුවට ගෙන ඉපලෝගම පොලිස් ස්ථානය වෙත භාරදී නීති මගින් කටයුතු කළහ.
මේ අතර වැඩ තහනමට ලක්වූ සැකකාර උප පොලිස් පරීක්ෂකවරයා සහ පොලිස් කොස්තාපල්වරයා, මාර්තු මස 07 දින දක්වා රිමාන්ඞ් භාරයට පත් කරන ලෙස නියෝග කර ඇති කැකිරාව වැඩ බලන මහේස්ත්‍රාත් එස්. පී. ගස්සාලි මහතා සැකකරුවන් එදිනට කොළඹ ප්‍රධාන මහේස්ත්‍රාත්වරයා හමුවට ඉදිරිපත් කරන ලෙසටද නියෝග කර කෙරිණි.
අනුරාධපුර අධිකරණ උපාලි ආනන්ද
