මෙරට සිටින හීලෑ අලි ඇත් පරපුරට අලුතෙන් සාමාජිකයන් එකතු නොවුණහොත් 2040 වසර වන විට මෙරට සිටින හීලෑ අලි ඇතුන්ගේ සංඛ්‍යාව 10 දක්වා පහත බසිනු ඇති බව ශ්‍රී දළදා මාළිගාවේ දියවඩන නිලමේ ප්‍රදීප් නිලංග දෑල මහතා පවසයි.
මේ වන විට මෙරට සිටින්නේ හීලෑ අලි ඇතුන් 96 දෙනෙකු පමණක් බවත් 2015 වන විට හීලෑ අලි ඇතුන් 160 දෙනෙකු සිටියත්දශකයක්එවැනි කාලයක් තුළදී හීලෑ අලි ඇතුන් 60 දෙනෙකුට වැඩි ප්‍රමාණයක් මියගොස් ඇති බවද දියවඩන නිලමේවරයා කියයි.
දියවඩන නිලමේවරයා මෙම අදහස් පල කර සිටියේ අද (12) වන ලැහැබේ අසිරිය අලියා නැමැති ගීතය දැක්වීම නිමිත්තෙන් ශ්‍රී දළදා මාලිගාවේ බහුකාර්ය ගොඩනැගිල්ලේ දී පැවති උත්සව සභාවක් අමතමිනි.
සුනිල් සරත් පෙරේරා මහතා විසින් රචනා කරන ලද එම ගීතය නවරත්න ගමගේ මහතාගේ සංගීතයෙන් රොහාන් ශාන්ත බුලේගොඩගේ ගායනයෙන්ද රවින්ද මුණසිංහ රූප රචනයෙන් දයුක්තය.
එහිදී දියවඩන නිලමේවරයා වැඩිදුරටත් අවධාරණය කර සිටියේ මෙරට වන අලි ගහනය ඉතා වැඩි බවත්එම වන අලින් අතර ගැහැණු සතුන් බිහිවීමදවැඩි බවයි. සාමාන්‍යයෙන් ගැහැණු අලියෙකුජීවිත කාලය තුළ පැටවුන් හතර දෙනකු බිහිකරන බවත් ඉන් තුන්දෙනෙකුම ගැහැණු සතුන් බවද පවසන දියවඩන නිලමේවරයා මෙම පසුබිම තුළ ඉදිරියේදී වන අලි ගහනය තවත් ඉහල යනු ඇති බවද පැවසීය.
