නියෝජ්‍ය අමාත්‍ය සුනිල් වටගල මහතා අලුත්කඩේ අධිකරණටය ඉදිරිපිටදී සිය රියදුරාට ‘බූරුවා‘ යනුවෙන් ප්‍රකාශ කිරීම පිළිබඳ කණගාටුව පළ කරන බව කැබිනට් ප්‍රකාශන සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.
අද(20දා) පැවති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු යොමු කළ ප්‍රශ්නයකට පිළිතුරු ලබා දෙමින් හෙතෙම මේ බව සඳහන් කළේය.
ප්‍රශ්නය - මේ සිද්ධියෙන් පස්සේ ඇමතිවරයෙක් රියදුරාට කතා කරන්නේ ‘බූරුවා‘ කියලා. ඒ පුද්ගලයා ගෙදර ගියාම තමන්ගේ බිරිඳට දරුවන්ට කොහොමද මුහුණ දෙන්නේ?
කැබිනට් ප්‍රකාශන සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස - එම කලබලකාරී ආතතික තත්ත්වය තුළ පවා නියෝජ්‍ය ඇමතිවරයාගේ කටින් පිටවූ වචන සම්බන්ධයෙන් මම කණගාටුව ප්‍රකාශ කරනවා.
