කොට්ටව කොඹල සංරක්ෂිත වනාන්තරයේ අක්කර පනහකට ආසන්න භුම් ප්‍රමාණයක වන විනාශයක් පසුගිය කාලය තුල සිදුවි ඇති බැව් ගාල්ල දිස්ත්‍රික් පාර්ලිමේන්තු මන්ත්‍රි හා කෝප් කමිටුවේ සභාපති වෛද්‍ය නිශාන්ත සමරවිර මහතා පවසයි.
වන ජවාරම්කරුවන් සහ වනය විනාශ කරණ පුද්ගලයින් සමග කිසිදු ගණුදෙනුවක් තම රජය නොමැති බවත් මෙම වනය 2011 වර්ෂයේ දි ගැසට් කිරිමේ දි එම ප්‍ර දේශවල පදිංචිව සිටි පුද්ගලයින්ට යම්කිසි සාධාරණත්වයක් ඉටුවිය යුතුව ඇති බවද මන්ත්‍රිවරයා සදහන් කළේය. ගාල්ල කහදුවවත්ත ප්‍ර දේශයේ අද (09) පැවති මාධ්‍ය හමුවකදි මන්ත්‍රිවරයා මෙසේද කිවේය.
කොට්ව කොඹළ රක්ෂිතයේ වන හරණය වු ප්‍රදේශය වනාන්තරලෙස නැවත සංවර්ධනය කිරිමට කටයුතු කරණවා. අපේ රජය පරිසරයට ආදරය කරණ රජයක් පසුගිය කාලය තුල වන විනාශය ජිවිකාව කරගෙන ගිය කණ්ඩයාම්වලට මේවා කරණ විට හිත රිදෙනවා ඇති.
අපිට බොරු චෝදනා එල්ලකරමින් මඩ ගහනවා. අපි විශ්වාස කරන්නේ ජනතාව. මෙතරම් භුමි ප්‍රමාණයක් වන හරණයට ලක්වෙනකම් වන සංරක්ෂණ දෙපාර්තමේන්තුවේ නිලධාරින් කුමක්ද කරලා තියෙන්නේ . නිලධාරින්ට ඇහැකන පියාගෙන ඉන්න වුනේ හිටපු දේශපාලනඥයින්ගේ බලපෑම් නිසාද කියා සොයා බැලිය යුතුයි.
වනය තුලසිදුකොට ඇති නිති විරෝධි වගාවන්, ඉඩම් අල්ලාගෙන ඇති ප්‍රමාණය, පිළිබද කිසිදු නිශ්චිත දත්ත ප්‍රමාණයක් නැහැ. 2011 වර්ෂයේ දි තමයි කොට්ටව කොඹල රක්ෂිතය ගැසට් කරන්නේ මෙම ගැසට්කිරිමට කලින් මේ ප්‍ර දේශවල ජනතාව සිටියාද නැද්ද කියලා නොසලකා තමයි මෙම කටයුත්ත කරලා තියෙන්නේ.
දැනට ඉඩම් සදහා බලපත්‍ර තියෙන පිරිසක් ඉන්නවා ඒ සදහා ඔප්පු ලබාදෙන්න කියලා අපෙන් ඉල්ලුම් කළා මෙම රක්ෂිතය ගැසට් කිරිමේ දි පැවති ආණ්ඩුවලට වගකිමක් තිබුනා යම් ජනතාවක් අනවසරයෙන් හෝ බලපත්‍රයක් සහිතව එම ප්‍ර දේශයේ ජිවත්වෙනවාද කියා සොයන්න . ජනතාව කැළයක් ඇතුළට දමලා ගැසට් කරන්න ජනතාව වනසතුන් නෙමෙයි නේ. එම ප්‍ර දේශය තුල නම් එම ජනතාව ජිවත්වුනේ වනය ගැසට් කිරිමේ දි එම ජනතාවට සාධාරණයක් ඉෂ්ඨකරලා කටයුතු කළා නම් ගැටළුවක් ඇතිවෙන්නේ නැහැ. ඔප්පු ලබාදෙනවා භයවෙන්න එපා කියලා ජනතාවට රවට්ටමින් හිටපු දේශපාලනඥයින් කටයුතු කරලා තියෙනවා.
මේ කණ්ඩායම ඒ නිසා තමයි අපෙන් ද ඉල්ලිමක් කළේ මේ පිළිබද ආණ්ඩුව සතුව නිශ්චිත දත්ත පද්ධතියක් තිබුණේ නැහැ. ගුගුල් සිතියම්වල හා 2011ට පෙර මෙම කණ්ඩායම මෙහි පදිංචිවෙලා කියා තහවුරුවෙලා තියෙනවානම් ඉඩම් තියෙනවා කියලා සාක්ෂි තියෙනවානම් යම් මැදිහත්විමක් කරන්න අපිට පුළුවන්. මෙම වනය සංරක්ෂිතයක් විදියට ගැසැට් කිරිමට කලින් මෙහි පදිංචි හිටපු කණ්ඩායම් වල ජිවිතවලට යම් අවධානමක් තියෙනවාද කියා අපි සොයාබැලුවා.මේ ගැන සොයා බැලිමකින් තොරව මාව ඉලක්ක කරගෙන දේශපාලන ප්‍රහාරයක් එල්ල කරණවා යැයිද මන්ත්‍රිවරයා කිවේය.
චන්දන සමරවික්‍රම/ රවින්ද්‍ර ශ්‍රිලාල්
