දිවයින පුරා පසුගිය දින කිහිපය තුල පවතින අධික වැසි සහිත අයහපත් කාලගුණ තත්වය හේතුවෙන් දිවයිනේ පළාත් පහක පවුල් 5,738 ක පුද්ගලයින් 16,930 ක් පීඩාවට පත්ව ඇති බව ආපදා කළමණාකරණ මධ්‍යස්ථානය පවසයි.
ඒඅනුව උතුරුමැද පළාතේ පවුල් 93ක පුද්ගලයින් 356 ක්,උතුරු පළාතේ පවුල් 491 ක පුද්ගලයින් 1,496 ක් නැගෙනහිර පළාතේ පවුල් 5,086 ක පුද්ගලියින් 14,806 ක් මධ්‍යම පළාතේ පවුල් හතක පුද්ගලයින් 33 ක් සහ ඌව පළාතේ පවුල් 67 ක පුද්ගලයින් 239 ක් වශයෙන් පවුල් 5,738 ක පුද්ගලයින් 16,930 ක් පීඩාවට පත්ව ඇති බව ආපදා කළමණාකරඛණ මධ්‍යස්ථානය තව දුරටත් කියයි.
මෙම ආපදා තත්වයන්හේතුවෙන් එක් පුද්ගලයෙකු මිය ගොස් තිදෙනෙකු තුවාල ලබා ඇති අතර නිවාස 98 කට හානි සිදුව තිබේ. ආරක්ෂිත මධ්‍යස්ථාන අටක පවුල් 77 කට අයත් පුද්ගලයින් 239 දෙනෙකු රඳවා ඇති බවත් ආපදා කළමණාකරණ මධ්‍යස්ථානය පවසයි.
