ශ්‍රී ලංකාවේ පළමු පියවර අසාර්ථකයි

ඔස්ට්‍රේලියාවේ පැවැත්වෙන කාන්තා විස්සයි20 තරගාවලියේ ශ්‍රී ලංකා කාන්තා කණ්ඩායම හා නවසීලන්ත කාන්තා කණ්ඩායම පැවැති තරගයෙන් නවසීලන්ත කණ්ඩායම කඩලු හතක ජයක් වාර්තා කිරීමට සමත්විය.

තරගයේ මුලින්ම පන්දුවට පහරදුන් ශ්‍රී ලංකා කණ්ඩායම ලකුණු 127/7 ක් වාර්තා කිරීමට සමත්වූයේය. නායක චමරි අතපත්තු පන්දු 30කදී හතරේ පහර පහක් හා හයේ පහර දෙකක් සමගින් ලකුණු 41ක් රැස්කිරීමට සමත්වූවාය.

ඇයට අමතරව හරිෂිතා මාධවී හයේ පහරක් හා හතරේ පහරක් සමගින් පන්දු 26කදී ලකුණු 27ක් වාර්තා කළාය.

ලකුණු 128ක ජයග්‍රාහී ඉලක්කයක් හඹා ගිය නවසීලන්ත කණ්ඩායම පන්දුවාර 17.4කදී කඩුලු තුනක් පමණක් දැවී ලකුණු 131ක් රැස්කරමින් තරගය ජය ගත්තේය.

ආරම්භක පිතිකාරීනී මෙන්ම නවසීලන් නායක සොෆී ඩෙවියිනී පන්දු 55කදී හතරේ පහර 6ක් හා හයේ පහර දෙකක් සමගින් ලකුණු 75ක් රැස්කරමින් නවසීලන්ත කණ්ඩායම ජයග්‍රහණය කරා රැගෙන ගියාය.