ශ්‍රී ලංකා බංග්ලාදේශ තරගය අත්හැර දැමෙයි

ශ්‍රී ලංකාව හා බංග්ලාදේශය අතර පැවැත්වීමට නිමිතව තිබූ ලෝක කුසලාන තරගය වර්ෂාව හේතුවෙන් අත්හැර දැමීමට සිදුවූ අතර ඒ හේතුවෙන් කණ්ඩායම් දෙකටම එක් ප්‍රසාද ලකුණ බැගින් හිමිවිය.

ඒ අනුව ශ්‍රී ලංකාවට ප්‍රසාද ලකුණු සටහනේ 5 වැනි ස්ථානය හිමිවිය. ශ්‍රී ලංකාව තරග හතරකට ක්‍රීඩා කර එයින් තරගයක් ජයගෙන තවත් තරගයක් පරාජයට පත්විය. ඉතිරි තරග දෙක වර්ෂාව හේතුවෙන් අත්හැර දැමීමට සිදුවිය.

ශ්‍රී ලංකාව හා බංග්ලාදේශය අතර ලෝක කුසලාන තරගාවලියේ පැවැත්වීමට නියමිතව තිබූ තරගයට මේ වන විට වර්ෂාවෙන් බාධා ඇතිව තිබේ.

තරගයේ කාසියේ වාසිය ශ්‍රී ලංකා වේලාවෙන් පස්වරු 2.30ට විමසා බැලීමට නියමිතව තිබුණත් වර්ෂාව හේතුවෙන් එය කල්දමා ඇත.

ශ්‍රී ලංකා වේලාවෙන් පස්වරු 3.00ට ක්‍රිඩාංගණයේ තත්ත්වය පිළිබඳව පරීක්ෂා කිරීමට නියමිතව තිබේ.

කෙසේ වෙත්ත බ්‍රිස්ටල් වාර්තා සඳහන් කර සිටියේ එරට වේලාවෙන් පෙ.ව. 10.00ට (ශ්‍රී ලංකා වේලාවෙන් පස්වරු 2.30) වන විටත් ක්‍රීඩාංගණයට අවට ප්‍රදේශයට වර්ෂාව පතිතවෙමින් පවතින බවයි.