විස්සයි20 තරගාවලියේ සැකකටයුතු පුද්ගලයින් - SLC

ශ්‍රී ලංකා ක්‍රිකට් ආයතනය සංවිධානය කරන විස්සයි20 ලීග ක්‍රිකට් තරගාවලිය පැවැත්වෙන ස්ථාන වෙත සැකකටයුතු පුද්ගලයින් පැමිණ ඇති බව ශ්‍රි ලංකා ක්‍රිකට් ආයතනය තහවුරු කරයි.

ඒ අනුව එම තරගාවලියේදී තරග පැවැත්වෙන ස්ථාන, ක්‍රීඩකයන් රැඳී සිටින හෝටලවල තරග පාවාදීම් වැළැක්වීම වෙනුවෙන් අවශ්‍ය දූෂණ විරෝධී ක්‍රියාමර්ග ගෙන ඇති බව ශ්‍රී ලංකා ක්‍රිකට් ආයතනය නිවේදනය කරයි.

එසේම කිසියම් සැකකටයුතු පුද්ගලයෙක් ක්‍රීඩකයන්ට සමීපවීමට කටයුතු කරයි නම් ඒ පිළිබඳව ක්‍රීඩකයන් මෙන්ම කණ්ඩායම් කළමනාකරුවන් ශ්‍රී ලංකා ක්‍රිකට් ආයතනය දැනුවත් කිරිමට කටයුතු කරන ලෙසද ක්‍රිකට් ආයතනය උපදෙස් ලබා දී ඇත.