ලැබ්‍රොයි තරග තීරක ලෙස කටයුතු කිරීම ගැටලුවක් නෙමෙයි - ICC
ග්‍රැහැම් ලැබ්‍රෝයි මහතා ශ්‍රී ලංකා ක්‍රිකට් ප්‍රධාන තේරීම් කමිටු සභාපති වශයෙන් කටයුතු කරන අතරේම ජාත්‍යන්තර ක්‍රිකට් ආයතනයේ තරග තීරකයෙක් ලෙස කටයුතු කිරිම කිසිම අවස්ථාවක ළබැඳියාව (conflict of interest ) පිළිබඳ ගැටලු ඇතිකරන්නක් නොවන බව ජාත්‍යන්තර ක්‍රිකට් කවුන්සිලය පෙන්වා දෙයි.
ඔහු තේරීම් කමිටු සභාපති ලෙස කටයුත කරන විටදී ශ්‍රී ලංකා කාන්තා ක්‍රිකට් කණ්ඩායම හා ඉන්දීය කාන්තා ක්‍රිකට් කණ්ඩායම අතර පැවැති තරගාවලියේ තරග තීරකයෙක් ලෙස කටයුතු කිරීම පිළිබඳව විවේචන එල්ල විය.
කෙසේ වෙතත් මේ පිළිබඳව ශ්‍රී ලංකා ක්‍රිකට් ආයතනය ජාත්‍යන්තර ක්‍රිකට් කවුන්සිලයේ අදහස විමසා ඇති අතර ඒ සඳහා පිළිතුරු ලබාදෙමින් ජාත්‍යන්තර ක්‍රිකට් කවුන්සිලය ඉහත ස්ථාවරත්වය ප්‍රකාශ කර ඇත.
එසේම ශ්‍රී ලංකා ක්‍රිකට් තේරීම් කමිටු සභාපති තනතුර භාර ගැනීමට පෙරාතුව ග්‍රැහැම් ලැබ්‍රෝයි මහතා ජාත්‍යන්තර ක්‍රිකට් කවුන්සිලය දැනුවත් කළ බවත් ඔහු තේරීම් කමිටු සභාපති ලෙස කටයුතු කරන අවස්ථාවක එම කණ්ඩායම එක්වන තරගාවලියකදී ඔහුට තරග තීරකයෙක් ලෙස කටයුතු කළ නොහැකි බවත් අයි.සී.සී.ය පවසා තිබේ.
ඒ අනුව නවසීලන්තයේදී නිමා වූ අවුරුදු 19න් පහළ ලෝක කුසලාන තරගාවලියට ඔහුව තරග තීරකයෙක් ලෙස එකතුකර නොගත් බවත් ශ්‍රී ලංකා කාන්තා ක්‍රිකට් කණ්ඩායම හා ඉන්දීය කාන්තා ක්‍රිකට් කණ්ඩායම හා පැවැති තරගාවලියේදී ඔහු තේරීම් කමිටු සාමාජිකයෙක් ලෙස කටයුතු නොකළ හෙයින් එම තරගාවලියේ තරග තීරකයෙක් ලෙස එක්වූ බවත් ජාත්‍යන්තර ක්‍රිකට් කවුන්සිලය පෙන්වා දී තිබේ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
