ලංකාව ලකුණු 209ට දැවී යයි

ලෝක කුසලාන තරගාවලිය යටතේ ශ්‍රී ලංකාව හා ඔස්ට්‍රේලියාව අතර පැවැත්වෙන තරගයේදී ශ්‍රී ලංකා කණ්ඩායම ලකුණු 209ට සීමා කිරීමට ඔස්ට්‍රේලියානු පන්දු යවන්නෝ සමත්වූහ.

ආරම්භක පිතිකරුවන් වන පැතුම් නිශ්ශංක 61 හා කුසල් පෙරේරා 78 පළමු කඩුල්ලට ලකුණු 125ක සාර්ථක සබඳතාවක් පන්දුවාර 21.4දී පැවැත්වීය. කෙසේ වෙතත් පැතුම් නිශ්ශංකගේ දැවී යාමත් සමග ශ්‍රී ලංකා ඉනිමේ ඉතිරි කඩුලු 9 ලකුණු 84ක් තුළ දවා ගැනීමට ඔස්ට්‍රේලියා පන්දු යවන්නෝ සමත්වූහ.

චරිත් අසලංක ලකුණු 29 රැස් කළේය. ඔස්ට්‍රේලියාව වෙනුවෙන් ඇඩම් සැම්පා කඩුලු 4ක් දවා ගත්තේය.