රොනාල්ඩෝ රියල් මැඩ්රිඩ් හැරයාම තහවුරුයි

ස්පාඤ්ඤයේ රියල් මැඩ්රිඩ් කණ්ඩායමට ක්‍රීඩා කරන ක්‍රිස්ටියනෝ රොනාල්ඩෝ එම කණ්ඩායම අත්හරිමින් ඉතාලියේ ජුවෙන්ටස් කණ්ඩායමට එක්වීමට ගෙන ඇති තීරණය තහවුරු වී තිබේ.

මේ සම්බන්ධයෙන් කණ්ඩායම් දෙක අතර මූලික එකඟතාවක් ඇතිව තිබෙන බව විදෙස් මාධ්‍ය තහවුරු කරයි.

කෙසේ වෙතත් ඔහු ජුවෙන්ටස් කණ්ඩායමට එක්වන වටිනාකම ගැන තවමත් නිල තහවුරු කිරීමක් නොමැති අතර එය යුරෝ මිලියන 100ක් බව ඇතැමි මාධ්‍ය වාර්තා කරයි.

රියල් මැඩ්රිඩ් කණ්ඩායම වෙනුවෙන් ක්‍රීඩා කරමින එම කණ්ඩායම් ඉතිහාසයේ මෙන්ම ලීග තරග ඉතිහාසයේ වාර්තා ගණනාවක් පිහිටුවීමට රොනාල්ඩෝ කටයුතු කර තිබුණි.

රියල් මැඩ්රිඩ් කණ්ඩායමට නායකත්වය දුන් සර්ජියෝ රාමොස් ක්‍රිස්ටියානෝ රොනාල්ඩෝ කණ්ඩායම හැරයාම පිළිබඳව සිය ට්විටර් ගිණුමෙන් ප්‍රකාශයක් කරමින් පැවුසේ රොනාල්ඩෝ රියල් මැඩ්රිඩ් කණ්ඩායමේ ඉතිහාසගතව ක්‍රීඩකයෙක් බවයි.