රුමේෂ්ට හරහට හිටිය කොරෝනා

ශ්‍රී ලංකා ක්‍රිකට් කණ්ඩායම හා  ඔස්ට්‍රේලියාව අතර පැවැත්වීමට නියමිත තරග පහකින් සමන්විත විස්සයි20 තරගාවලිය සඳහා ශ්‍රී ලංකා ක්‍රිකට් කණ්ඩායමේ තාවකාලික පුහුණුකරු වශයෙන් රුමේෂ් රත්නයක මහතා පත්කර ඇති බව ශ්‍රී ලංකා ක්‍රිකට් ආයතනය නිවේදනය කරයි.

පසුගිය සිම්බාබ්වේ තරගාවලියේදීද ඔහු ශ්‍රී ලංකා ක්‍රිකට් කණ්ඩායමේ තාවකාලික පුහුණුකරු ලෙස කටයුතු කළේය.

ශ්‍රී ලංකා ක්‍රිකට් තාක්ෂණික කමිටුවේ උපදෙස් මත රුමේෂ් රත්නායක මහතා යළිත් තාවකාලික පුහුණුකරු වශයෙන් පත්කර තිබේ.

කෙසේ වෙතත් ඔහු මේ වන විට කොවිඩ් ආසාදිතව සිටීම හේතුවෙන් කණ්ඩායම සමග ඔස්ට්‍රේලියාවට ගමන් නොකරන බවත් පළමු තරගය ආරම්භවීමට මත්තෙන් කණ්ඩායම සමග එක්වීමට නියමිත බවත් ක්‍රිකට් ආයතනය නිවේදනය කරයි.