රබාඩා 300 කඩද්දි ටයිජුල් 200 කඩයි

සංචාරක දකුණු අප්‍රිකා කණ්ඩායම සහ බංග්ලාදේශ කණ්ඩායම අතර පැවැත්වෙන පළමු ටෙස්ට් ක්‍රිකට් තරගයේ පළමු දිනය සඳහා වන තරගය අද (21දා) අවසන් විය.

දිනය අවසන් වන විට පන්දුවට පහරදෙමින් සිටි දකුණු අප්‍රිකා කණ්ඩායම සිය පළමු ඉනිමට පන්දුවාර 41ක් අවසානයේ කඩුලු 06ක් දැවී ලකුණු 140ක් ලබා සිටියේය.

මෙම තරගයේ පළමුවෙන් පන්දුවට පහරදුන් බංග්ලාදේශ කණ්ඩායම සිය පළමු ඉනිමට සියල්ලන් දැවී ලකුණු 106ක් රැස් කළහ.

ඒ අනුව මේ වන විට දකුණු අප්‍රිකා කණ්ඩායම බංග්ලාදේශ පළමු ඉනිමට වඩා ලකුණු 34ක් ඉදිරියෙන් පසුවන්නේය. 

මෙම තරගයේදී දකුණු අප්‍රිකා කණ්ඩායමේ වේග පන්දු යන ක්‍රීඩක කගීසෝ රබාඩා සිය 300 වැනි ටෙස්ට කඩුල්ල දවා ගැනීමට සමත් වූ අතර, බංග්ලාදේශ කණ්ඩායමේ ටයිජුල් ඉස්ලාම් සිය 200 වැනි ටෙස්ට් කඩුල්ල දවා ගැනීමට සමත් විය.