යොවුන් ක්‍රීඩක නිශාන් මධුෂ්කගෙන් එංගලන්තය ලයන්ස්ට එරෙහිව ද්විත්ව ශතකයක්

සංචාරක එංගලන්ත ලයන්ස් කණ්ඩායමට එරෙහිව පැවති පළමු නිළනොවන සිව්දින ක්‍රිකට් තරගයේදී ශ්‍රී ලංකා ආරම්භක පිතිකරු නිශාන් මධුෂ්ක ද්විත්ව ශතකයක් වාර්තා කලේය.

ගාල්ලේදී පැවැත්වෙන මෙම ටෙස්ට් තරගයේ සිය දෙවැනි ඉනිම ක්‍රීඩා කරමින් සිටින ශ්‍රී ලංකාව තෙවැනි දිනය නිමාවේදී කඩුළු 3 ක් දැවී ලකුණු 580 ක් ලබා ප්‍රභල තත්වයේ සිටියි. මේ අනුව ඔවුන් එංගලන්ත පළමු ඉනිමට වඩා කඩුළු 7 ක් අතැතිව ලකුණු 249 ක් ඉදිරියෙන් සිටියි.

නිශාන් මීට පෙර එංගලන්ත ලයන්ස් හා ශ්‍රී ලංකා සභාපතිවරයාගේ කණ්ඩායම සමගින් පැවති තරගයේදීද නොදැවී ලකුනු 150 ක් රැස්කිරීමට සමත්විය.

තරගයේ කාසියේ වාසිය දිනූ ශ්‍රී ලංකා ඒ කණ්ඩායම පළමුවෙන් පන්දුවට පහරදුන් අතර ඔවුන්ට පළමු ඉනිමට සියල්ලන් දැවී රැස්කරගත හැකිවූයේ ලකුණු136 ක් පමණි. ඊට පිළිතුරු ලෙසින් එංගලන්ත ලයන්ස් කණ්ඩායම සිය පළමු ඉනිමට සියල්ලන් දැවී ලකුනු 467 ක් රැස් කලේය.