මෙසීගේ දඬුවම් පහර අසාර්ථකයි - අයිස්ලන්තයට එරෙහි තරගය සමවෙයි

මෙවර ලෝක කුසලාන තරගාවලියට එක්ව සිටින ප්‍රභල කණ්ඩායමක් වන ආජන්ටිනා කණ්ඩායම හා මෙවර ලෝක කුසලාන තරගාවලියට ක්‍රීඩා කරන කෝඩුකාර අයිස්ලන්ත කණ්ඩායම අතර තරගය ගෝල 1-1ක් ලෙස විසඳුමකින් තොරව අවසන් විය. මෙවර තරගාවලියට අඩුම ජනගහණයක් නියෝජනය කරමින් ක්‍රීඩා කරන රට වන්නේද අයිස්ලන්තයයි.

තරගය ආරම්භයේදී ආජන්ටිනා කණ්ඩායම නියෝජනය කරන ප්‍රභල ක්‍රීඩක සර්ජියෝ අගියුරෝ 19 වැනි විනාඩියේදී ගෝලයක් වාර්තා කරමින් තරගයේ පෙරමුණ ගත්තද අයිස්ලන්තය වෙනුවෙන් ෆින්බොගසන් 23 වැනි විනාඩියේදී ගෝලයක් වාර්තා කරමින් තරගය සම කළේය.

පළමු අර්ධය 1-1ක් ලෙස නිම වූ අතර දෙවැනි අර්ධයේදී මෙසීට ලැබුණ දඬුවම් පහර ඔහුට සාර්ථක කර ගැනීමට නොහැකි වීම හේතුවෙන් තරගය ජය පරාජයෙන් තොරව නිමාවිය.

මෙවර තරගාවලියේදී බොහේ දෙනෙක් අවධානය යොමුකර ඇති ක්‍රීඩකයන් දෙදෙනා වන්නේ ක්‍රිස්ටියානෝ රොනාල්ඩෝ හා ලයනල් මෙසීය. රොනාල්ඩෝ පෙරේදා ප්‍රභල ස්පාඤ්ඥ කණ්ඩායමට එරෙහිව ගෝල තුනක් වාර්තා කළේය. නමුත් මෙසීට කෝඩුකාර අයිස්ලන්තයට එරෙහිවද ගෝලයක් වාර්තා කිරීමට නොහැකිවිය.