මුරලි විජේ ක්‍රිකට් පිටියට සමුදෙයි

ඉන්දීය ටෙස්ට් කණ්ඩායමේ හිටපු ආරම්භක පිතිකරු මුරලි විජේ අන්තර්ජාතික ක්‍රිකට් දිවියට සමුදීමට තීරණය කර ඇත.

වසර කිහිපයක්ම ඉන්දීය ටෙස්ට් කණ්ඩායමේ නිත්‍ය ආරම්භක පිතිකරු භූමිකාව රඟදැක්වූ මුරලි විජේ ටෙස්ට තරග 61ක්, එක්දින තරග 17 ක් හා විස්සයි විස්ස තරග 9 කට ක්‍රීඩා කර ඇත.

2008 වර්ෂයේදී අන්තර්ජාතික ක්‍රිකට් පිටියට අත්පොත් තැබූ විජේ 2018 වර්ෂයේදී සිය අවසන් ටෙස්ට් තරගයට ක්‍රීඩා කලේය. වසර ගණනාවක්ම ක්‍රිකට් ක්‍රීඩාවෙන් ඈත් වී සිටි විජේ සිය අවසන් පළමු පෙළ තරගයට 2019 වර්ෂයේදී ක්‍රීඩා කළ අතර 2020 වර්ෂයේ අයි.පී.එල්. තරගාවලියෙන් අනතුරුව ක්‍රිකට් ක්‍රීඩාවේ නියැලුනේ නැත.

කෙසේ වෙතත් ටෙස්ට් ලකුණු 3982 ක් රැස් කරගෙන ඇති විජේ ශතක 12 ක් හා අර්ධ ශතක 15 ක් එහිදී රැස්කිරීමට සමත්ව ඇත.