පැතුම්ට බංග්ලාදේශ විස්සයි20 තරගාවලිය අහිමි වෙයි

ශ්‍රී ලංකා කණ්ඩායම හා බංග්ලාදේශ කණ්ඩායම අතර බංග්ලාදේශයේදී පැවැත්වීමට නියමිත විස්සයි20 තරගාවලිය සඳහා ශ්‍රී ලංකා සංචිතය නම් කර තිබේ. මෙහිදී ඇෆ්ගනිස්ථානය සමගින් පැවැති විස්සයි20 තරගාවලියේ තෙවැනි තරගයේදී ආබාධයකට ලක්වූ පැතුම් නිශ්ශංකට කණ්ඩායමේ ස්ථානය අහිමී ඇති අතර ඔහු වෙනුවට අවිශ්ක ප්‍රනාන්දු කණ්ඩායමට කැඳවා තිබේ.

ජෙෆ්රි වැන්ඩසේ නැවතත් කණ්ඩායමට කැඳවා ඇති අතර ආබාධයකින් අනතුරුව සුවය ලබා සිටින ඩිල්ෂාන් මධුශංකද කණ්ඩායමට කැඳවා තිබෙ.

කණ්ඩායමේ නායකයා ලෙස වනිඳු හසරංග කටයුතු කරන නමුත් ඔහුට පළමු තරග දෙක ක්‍රීඩා කිරීමේ අවස්ථාව අහිමි වෙයි. ඒ ඔහුට එරෙහිව තරග දෙකක තහනමක් පනවා ඇති හෙයිනි.

ශ්‍රී ලංකා සංචිතය

1.වනිඳු හසරංග - නායක, 2.චරිත් අසලංක -උප නායක, 3. කුසල් මෙන්ඩිස්, 4. සධීර සමරවික්‍රම, 5. ඇන්ජලෝ මැතිව්ස්, 6. දසුන් ශානක,7. මහීෂ් තීක්ෂණ, 8. ධනංජය ද සිල්වා, 09. කුසල් ජනිත් පෙරේරා, 10. ඩිල්ෂාන් මධුශංක, 11. නුවන් තුෂාර, 12.මතීෂ පතිරණ, 13.අකිල ධනංජය, 14.බිනුර ප්‍රනාන්දු, 15.කමිඳු මෙන්ඩිස්, 16. අවිශ්ක ප්‍රනාන්දු – (පැතුම් නිශ්ශංක වෙනුවට), 17. ජෙෆ්රි වැන්ඩර්සේ