පාකිස්ථානයට පළමු තරගයෙන් කඩුළු 6 ක ජයක්

සංචාරක නවසීලන්තය සමගින් පැවති පළමු ඒක්දින තරගයෙන් කඩුළු 6 ක ජයක් හිමිකර ගැනීමට පාකිස්ථානය සමත්විය. මෙම තරගය කරච්චි හිදී පැවැත්විණි.

තරගයේ නවසීලන්තයෙන් ලැබුණු ලකුනු 256 ක ඉලක්කය පන්දුවාර 48.1 කදී පසුකර යාමට පාකිස්තානය සමත්විය.

පාකිස්ථානය ජයග්‍රහණය කරා ගෙන ගිය මොහොමඩ් රිස්වාන් නොැදවී ලකුණු 77 ක්ද බාබර් අසාම් ලකුණු 66 ක්ද ෆාකර් සමාන් ලකුණු 56 ක්ද බැගින් රැස් කළහ.

තරගයේ කාසියේ වාසිය දිනූ පාකිස්ථාන ඇරයුමින් පළමුවෙන් පන්දුවට පහරදුන් නවසීලන්තය සිය පන්දුවාර 50 අවසානයේ කඩුළු 9 ක් දැවී ලකුණු 255 ක් රැස් කලේය.

මයිකල් බ්‍රාස්වෙල් (43),  ටොම් ලේතම් (42) නවසීලන්ත ඉනිම ගොඩගැනීමට උත්සාහයක් ගත්හ. දක්ෂ පන්දු. යැවීමක නිරත වූ නසීම් ෂා ඒක්දින පිටියේදී සිය දෙවැනි කඩුළු 5 බැගින් දවා ගැනීමේ අවස්ථාව වාර්තා කරමින් ලකුණු 57ට කඩුළු 5 ක් දවා ගත්තේය.