පාකිස්තානයට කඩුලු 4ක ජයක්

සත්කාරක ශ්‍රි ලංකා කණ්ඩායම කඩුලු 4කින් පරාජයට පත්කරමින් දෙරට අතර පැවැති පළමු ටෙස්ට් තරගය ජය ගැනීමට සංචාරක පාකිස්තාන කණ්ඩායම සමත්විය.

ශ්‍රී ලංකාවෙන් එල්ල වූ ලකුණු 131ක ඉලක්කය කඩුලු හයක් වැයකර පසුකර යාමට පාකිස්තාන කණ්ඩායම සමත්විය.

 තරගයේ මුලින්ම පන්දුවට පහරදුන් ශ්‍රි ලංකා කණ්ඩායම ලකුණු 312ක් ‌රැස්කළ අත එයට පිළිතුරු ලෙස පාකිස්තානය ලකුණු 461ක් රැස්කළේය.

නැවතත් සිය දෙවැනි ඉනිම ක්‍රීඩා කළ ශ්‍රී ලංකා කණ්ඩායම ලකුණු 279කට දැවී ගිය අතර ඒ් අනුව පාකිස්තානයට ලකුණු 131ක ජයග්‍රාහී ඉලක්කයක් හිමිවිය.

තරගයේ වීරයා ලෙස පාකිස්තානය වෙනුවෙන් පළමු ඉනිමේදී ද්විත්ව ශතකයක් රැස්කළ සවුද් ශකීල් සම්මාන ලැබීය.