පාකිස්තානයට එරෙහි ලෝක කුසලාන නියගය ලංකාවට ජයගත හැකිවේද?

ලෝක කුසලාන තරගාවලියේ ශ්‍රී ලංකා කණ්ඩායම හා පාකිස්තාන කණ්ඩායම අතර තරගය අද දිවා රාත්‍රී තරගයක් ලෙසින් හයිද්‍රාබාද්හිදී පැවැත්විමට නියමිතව තිබේ.

ශ්‍රී ලංකාව හා පාකිස්තානය එක්දින ලෝක කුසලාන තරගාවලියන්හි අවස්ථා අටකදි එකිනෙකාට මුහුණ දී තිබේ. මෙහිදී තරග හතක් පාකිස්තානය ජය ගෙන ඇති අතර 2019 වසරේ පැවැති ලෝක කුසලානයේ ශ්‍රී ලංකාව හා පාකිස්තානය අතර තරගය වැස්ස නිසා අත්හැර දැමිණ.

මේ අනුව අද තරගය ජයගත හොත් එක්දින ලෝක කුසලාන තරගාවලියන්හිදී පාකිස්තානයට එරෙහිව ශ්‍රි ලංකාව දක්වන අසාර්ථකත්වය අද නිමාවට පත්වෙනු ඇත.

ලෝක කුසලාන තරගාවලියේ දකුණු අප්‍රිකාවට එරෙහිව පැවැති තරගයට ක්‍රීඩා නොකළ දග පන්දු යවන ක්‍රීඩක මහීෂ් තීක්ෂණ අද දිනයේදී ක්‍රීඩා කිරීමට නියමිතව ඇති බව වාර්තා වෙයි. ඔහු කණ්ඩායමට පැමිණියහොත් කසුන් රාජිතට බොහෝ දුරට කණ්ඩායමේ ස්ථානය අහිමිවීමට ඉඩක් තිබේ.