පළමු එක්දින තරගයෙන් ලංකාවට කඩුලු 9ක පරාජයක්

සංචාරක ශ්‍රි ලංකා කණ්ඩායම කඩුලු 9කින් පරාජයට පත්කරමින් දෙරට අතර පැවැති පළමු ඒක්දින තරගය ජය ගැනීමට සත්කාරක නවසීලන්ත කණ්ඩායම සමත්විය.

තරගයේ මුලින්ම පන්දුවට පහරදුන් ශ්‍රි ලංකා කණ්ඩායමට පන්දුවාර 43.4කදී සියලු දෙනා දැවී රැස්කර ගත හැකිවූයේ ලකුනු 178ක් පමණි.

මෙහිදී ශ්‍රි ලංකා කණ්ඩායමේ මුල් කඩුලු 4 ලකුණු 23ක් තුළ දැවි ගිය අතර අවිශ්ක ප්‍රනාන්දු (56) හා ජනිත් ලියනගේ (36) පස්වැනි කඩුල්ල වෙනුවෙන් ලකුණු 87ක සබඳතාවක් පවත්වමින් ශ්‍රි ලංකා ඉනිම ලකුණු 110ක් දක්වා රැගෙන ආවේය.

පිළිතුරු ඉනිම ක්‍රිඩා කළ නවසීලන්තය 26.2කදී එක් කඩුල්ලක් පමණක් වැය කරමින් ලකුනු 180ක් රැස්කර තරගය ජය ගත්තේය.

මේ අනුව තරග තුනකින් සමන්විත එක්දින තරගාවලියද 1-0ක් ලෙස නවසීලන්තය ඉදිරියෙන් පසුවෙයි.

තරගයේ වීරයා ලෙස ලකුණු 19ට කඩුලු 4ක් දවා ගත් මැට් හෙන්රි සම්මාන ලැබීය.