නුවන් තුෂාර මට මාලිංගව මතක් කළා

බංග්ලාදේශය හා පැවැති තෙවැනි විස්සයි20 තරගයේදී වේග පන්දු යවන ක්‍රීඩක නුවන් තුෂාර දැක්වූ දක්ෂතාව තමන්ට ලසිත් මාලිංගව සිහපත් කළ බව ශ්‍රී ලංකා එක්දින නායක කුසල් මෙන්ඩිස් පවසයි.

"මම ඔහු ගැන ගොඩක් සතුටු වෙනවා,ලෝක කුසලානය ආසන්නයේ තිබියදී, අපේ පන්දු යවන්නන් බොහෝ දෙනෙක් දක්ෂතා දැක්වීම සතුටක්. ඔහු කලක සිට ලීග තරවල හොඳින් ක්‍රීඩා කරනවා. ඔහු දකුණු අප්‍රිකාවේ [SA20] ද හොඳින් ක්‍රීඩා කළා.

අපට ඔහුව අවශ්‍ය වූ විට කණ්ඩායම වෙනුවෙන් ඔහුගේ උපරිමය ලබා දීමට ඔහුට හැකි වූයේත් ඒ නිසයි. ඒ කඩුලු තුන නිසයි (නුවන් තුෂාරගේ කඩුලු ත්‍රිත්වය) තරගය අපේ පැත්තට හැරුනේ. ඒකෙන් මට මතක් වුණේ මාලි අයියා [ලසිත් මාලිංග] පන්දු යැවූ ආකාරයයි."