නිල්ෆර් ඊබ්‍රහිම්ට ජාතික වගකීමක්

ශ්‍රී ලංකා අවුරුදු 20න් පහළ සත් සාමජික රග්බි කණ්ඩායමේ පුහුණුකරුවා ලෙස නිල්ෆර් ඊබ්‍රහිම් මහත් පත්කර තිබේ. කිංග්ස්වුඩ් කණ්ඩායමේ රග්බි පිටියට පැමිණි ඊබ්‍රහිම් මහතා නුවර ක්‍රීඩා සමාජය හා ජාතික කණ්ඩායම නියෝජනය කළ දක්ෂ ක්‍රීඩකයෙකි.

ආසියානු අවුරුදු 20න් පහළ සත් සමාජික රග්බි තරගාවලිය අරමුණු කර ගනිමින් ඔහු මෙසේ පුහුණුකර තරනතුරට පත් කර තිබේ. එම තරගාවලිය අගෝස්තු 10 දා හා 11 දා හොංකොංහි පැවැත්වීමට නියමිතය.

2014 වසරේ සිට 2016 වසර දක්වා ඉසිපතන විදුහල් රග්බි කණ්ඩායමේ පුහුණුකරුවාද ලෙස කටයුතු කළ ඊබ්‍රහිම් මහතා එම විදුහලට2014 වසරේදී ත්‍රිත්ව ශූරතා හිමිකර දීමට සමත්විය.

මේ පිළිබඳව අදහස් දැක්වූ ඊබ්‍රහිම් මහතා පැවැසුවේ තමන් මෙම අවස්ථාව පිළිබඳව උනන්දුවෙන් සිටින බවත් ලබන සතියේ දිට පුහුණුවීම් ආරම්භ කරන බවයි.