නවසීලන්ත ඇරයුමෙන් ලංකාව මුලින් පන්දුවට පහරදෙයි

ලෝක කුසලාන තරගාවලිය ආරම්භ කරමින් ශ්‍රී ලංකා කණ්ඩායම එක්වන පළමු තරගයේදී කාසියේ වාසිය දිනාගත් නවසීලන්ත නායක කේන් විලියම්සන් මුලින්ම පන්දුවට පහරදීමේ අවස්ථාව ශ්‍රි ලංකාවට  ලබාදුන්නේය.

කාඩිෆ් හි පැවැත්වෙන තරගයේ නවසීලන්තය ගත් තීරණය නිවැරදි බව පෙන්වමින් පළමු පන්දුවාරයේදීම ආරම්භක පිතිකරු ළහිරු තිරිමාන්න ලකුණු 4ක් රැස්කර සිටියදී දෙවැනි පන්දුවෙන් කඩුල්ල මුවාකිරීමේ වරදට හසුකර ගැනීමට මැට් හෙන්රි සමත්විය.

ශ්‍රී ලංකාව මේ වන විට පන්දුවාර 4ක් අවසානයේදී එක් කඩුල්ලකට ලකුණු 20ක් රැස්කරගෙන සිටියි.

ශ්‍රී ලංකා කණ්ඩායම - ළහිරු තිරිමාන්න, දිමුත් කරුණාරත්න (නායක), කුසල් පෙරේරා, කුසල් මෙන්ඩිස්, ඇන්ජලෝ මැතිව්ස්, ධනංජයද සිල්වා,ජීවන් මෙන්ඩිස්, තිසර පෙරේරා, ඉසුරු උදාන, සුරංග ලක්මාල්, ලසිත් මාලිංග