දිල්රුවන් කඩුලු 800යි

ශ්‍රී ලංකා ටෙස්ට් කණ්ඩායමේ දඟපන්දු යවන ක්‍රීඩක දිල්රුවන් පෙරේරා සිය පළමු පෙළ තරග දිවියේ කඩුලු 800 සීමාව ඉක්මවීමට සමත් විය. ඒ මේ දිනවල පැවැත්වෙන අන්තර් සමාජ ක්‍රිකට් තරගවාරයේ ඊයේ (25දා) ආරම්භ වූ එන්.සී.සී. හා කෝල්ට්ස් අතර තරගයේදීය.

කෝල්ට්ස් කණ්ඩායමට ක්‍රීඩා කරන දිල්රුවන් මෙම තරගයේදී කඩුලු 04ක් දවා ගත් අතර, තරගයට පෙර ඔහුට සිය කඩුලු 800 සම්පූර්ණ කර ගැනීමට අවශ්‍යව තිබුණේ එක් කඩුල්ලක් පමණි. මේ සමගින් දිල්රුවන් පළමු පෙළ තරගවලදී කඩුලු 800 සීමාව ඉක්මවූ පස්වැනි පන්දු යවන්නා බවට පත් විය. දිල්රුවන්ට ඉදිරියෙන් මුත්තයියා මුරලිදරන් (1374), රංගන හේරත් (1080), දිනුක හෙට්ටිආරච්චි (1000) හා සජීව විජේකෝන් (816) රැඳී සිටිති.

ඕෂිත වරකපිටිය