දසුන්ගේ ශතකයෙන් මහනුවරට ජය

ශ්‍රී ලංකා ක්‍රිකට් ආයතනය සංවිධානය කරන විස්සයි20 ලීග ක්‍රිකට් තරගාවලියේ නුවර කණ්ඩායම හා දඹුල්ල කණ්ඩායම අතර පැවැති තරගයෙන් කඩුලු 5 තියුණු ජයක් වාර්තා කිරිමට නුවර කණ්ඩායම සමත්විය.

තරගයේ මුලින්ම පන්දුවට පහරදුන් දඹුල්ල කණ්ඩායම නියමිත පන්දුවාර 20දී ලකුණු 196/5ක් රැස්කිරීමට සමත්වූහ. කුසල් මෙන්ඩිස් (43), ඇන්ජලෝ පෙරේරා (47) හා අසේල ගුණරත්න (46) පිත්තෙන් දක්ෂත දැක්වීමට සමත්වූහ.

ලසිත් මාලිංග පන්දුවාර 4ක් යොමුකර ප්‍රතිවාදීන්ට ලකුණු 52ක් ලබාදෙමින් එක් කඩුල්ලක් දවා ගැනීමට සමත්විය. චරිත් අසලංක පන්දුවාර 3කදී ලකුණු 14ට කඩුලු 4ක් දවා ගත්තේය.

ලකුණු 197ක ජයග්‍රාහි ඉලක්කයක් හඹා ගිය නුවර කණ්ඩායම පන්දුවාර 19.2කදී කඩුලු පහක් දැවී ලකුණු 199ක් රැස්කරමින් ඉලක්කය සම්පූර්ණ කළේය. විශිෂ්ඨ ඉනිමක් ක්‍රීඩා කළ දමුන් ශානක නොදැවී පන්දු 52කදි ලකුණු 105ක් රැස්කිරීමට සමත්විය. තරගය පල්ලෙකැලේ පිටියේදී පැවැත්විණ.