දකුණු අප්‍රිකානු සංචාරයට දකුණු අප්‍රිකාවේ ප්‍රභලයෙක් ලංකාව තෝරා ගනියි

ශ්‍රි ලංකා ටෙස්ට් කණ්ඩායමේ දකුණු අප්‍රිකානු සංචාරය සඳහා දකුණු අප්‍රිකානු කණ්ඩායමේ හිටපු දක්ෂ පිතිකරුවෙක් වන නීල් මැකෙන්සි ව කෙටි කාලීනව ශ්‍රී ලංකා කණ්ඩායමේ උපදේශක පුහුණුකරුවෙක් ලෙස පත්කර තිබේ.

මෙම තරගාවලියට එක්වීම සඳහා ශ්‍රී ලංකා ටෙස්ට් කණ්ඩායමේ කිහිප දෙනෙක් ඊයේ දිනයේදී දකුණු අප්‍රිකාව බලා පිටත්ව ගොස් තිබේ.

ඔවුන් සමග එක්ව නීල් මැකෙන්සි මහතා පුහුණු උපදේශන සැසි කිහිපයක් පවත්වනු ඇත.  දකුණු අප්‍රිකාව සහ ශ්‍රී ලංකාව අතර තරග දෙකකින් සමන්විත ටෙස්ට් තරගාවලියේ පළමු තරගය නොවැම්බර් 27 වනදාත් දෙවැනි ටෙස්ට් තරගය දෙසැම්බර් 05 වනදාත් ආරම්භ වීමට නියමිතය.