තරගය ජයග්‍රහණයට ඔස්ට්‍රේලියාවට ලකුණු 75ක පහසු ඉලක්කයක්

සංචාරත ඔස්ට්‍රේලියානු කණ්ඩායම සහ ශ්‍රී ලංකා කණ්ඩායම අතර දෙවන හා අවසන් ටෙස්ට් ක්‍රිකට් තරගයේ සිව්වන දිනය සඳහා වන තරගය මේ වන විට ගාල්ල ජාත්‍යන්තර ක්‍රීඩාංගනයේදී පැවැත්වේ.

දිනය ආරම්භයේදී පන්දුවට පහරදෙමින් සිටි ශ්‍රී ලංකා කණ්ඩායම මීට සුළු මොහොතකට පෙර පන්දුවාර 68යි එක් පන්දුවක් අවසානයේ ලකුණු 231ක් ලබා සිටියදී සියලු දෙනා දැවී ගියේය.

ඒ අනුව ඔස්ට්‍රේලියා කණ්ඩායමට තරගය ජයග්‍රහණය කිරීමට ලකුණු 75ක ඉලක්කයක් හිමි විය.

මෙම තරගයේ පළමුවෙන් පන්දුවට පහරදුන් ශ්‍රී ලංකා කණ්ඩාය පළමු ඉනිමට සියලුදෙනා දැවී ලකුණු 257ක් රැස් කළ අතර, ඊට පිළිතුරු ඉනිම ඔස්ට්‍රේලියානු කණ්ඩායම පළමු ඉනිමට සියලු දෙනා දැවී ලකුණු 414ක් රැස් කළේය.