කොළඹ ස්ටාර්ස් කණ්ඩායමට ලකුණු 41ක ජයක්

ලංකා ප්‍රිමියර් ලීග තරගාවලිය යටතේ කොළඹ ස්ටාර්ස් කණ්ඩායම හා ගාල්ල ග්ලැඩියේටර්ස් කණ්ඩායම අතර පැවැති තරගයෙන් ලකුණු 41ක ජයක් වාර්තා කිරීමට කොළඹ කණ්ඩායම සමත්විය.

මෙම තරගය තරගාවලියේ 13 වැනි තරගය ලෙසින් පැවැතියේය. තරගයේ මුලින්ම පන්දුවට පහරදුන් කොළඹ කණ්ඩායම නියමිතර පන්දුවා 18දී (වර්ෂාව හේතුවෙන් තරගය පන්දුවාර 18කට සීමාවිය) ලකුණු 162/7ක් රැස්කළේය.

මෙහිදී ඇන්ජලෝ මැතිව්ස් තම පිතිකරණයේ වෙනසක් කරමින් ආරම්භක පිතිකරු ලෙසින් පිටියට පිවිස පන්දු 57කදී ලකුණු 73ක් රැස්කළේ හතරේ පහට 8ක් හා හයේ පහර තුනක් සමගිනි. දිනේෂ් චන්දිමාල් පන්දු 14කදී ලකුණු 36ක් රැස්කිරීමට සමත්වූ අතර එයට හතරේ පහර 4ක් හා හයේ පහර දෙකක් ඇතුළත් විය.

පිළිතුරු ඉනිම ක්‍රිඩා කළ ගාල්ල කණ්ඩායමට පන්දුවාර 16.5කදී සියලු දෙනා දැවී රැස්කළ හැකිවූයේ ලකුනු 121ක් පමණි. ආරම්භක පිතිකරු කුසල් මෙන්ඩිස් පන්දු 39කදී ලකුණ 64ක් රැස්කළේය. තරගයේ වීරයා ලෙස දිනේෂ් චන්දිමාල් සම්මාන ලැබීය.