කුසල් කොළඹට පළමු ජය ගෙන දෙයි

ශ්‍රී ලංකා ක්‍රිකට් ආයතනය සංවිධානය කරන විස්සයි20 ලීග තරගාවලියේ අපරාජත කණ්ඩායම ලෙස සිටි කොළඹ කණ්ඩායම පරාජය කර කඩුලු හතක පහසු ජයක් වාර්තා කිරීමට නුවර කණ්ඩායම සමත්විය.

පල්ලෙකැලේ පිටියේ දිවා රාත්‍රී තරගයක් ලෙසින් මෙම තරගය ඊයේ පැවැති අතර එහිදී මුලින්ම පන්දුවට පහරදුන් කොළඹ කණ්ඩායම ලකුණු 165/7ක් වාර්තා කිරීමට සමත්විය. ආරම්භක පිතිකරු අවිශ්ක ප්‍රනාන්දු පන්දු 35කදී ලකුණු 54ක් වාර්තා කිරීමට සමත්විය.

මෙහිදී පන්දුවාර 4කදී ප්‍රතිවාදින්ට ලකුණු 37ක් ලබාදුන් මාලිංග එක් කඩුල්ලක් දවාගත්තේය. ලකුණු 166ක ජයග්‍රහාහී ඉලක්කයක් හඹා ගිය නුවර කණ්ඩායම පන්දුවාර 17.3කදී කඩුලු තුනක් පමණක් දැවී ඉලක්කය සම්පූර්ණ කළේය.

ආරම්භක පිතිකරු කුසල් පෙරේරා පන්දු 45කදී ලකුණු 84ක් රැස්කළේ හතරේ පහර හයක් හා හයේ පහර හයක් සමගිනි. දසුන් ශානක පන්දු 29කදි ලකුණු 60ක් රැස්කළේ හතරේ පහර තුනක් හා හයේ පහර පහක් සමගිනි. ෂෙහාන් ජයසූරිය පන්දුවාර 4කදී ලකුණු 27කට කඩුලු 2ක් දවා ගැනීමට සමත්විය.