කායවර්ධන නිරූපන ශිල්පියෙක් ලක්මව රනින් බබලවයි

තායිලන්තයේ පැවති 08 වන කායවර්ධන සහ ශාරීරික නිරූපන ශූරතා තරගාවලිය - 2023 සහභාගී වූ දිලිප් වෙන්සාකර් ක්‍රීඩකයා  , එම තරගාවලියේ දී රන් පදක්කම් 02 ක් සහ එක් රිදී පදක්කමක් දිනා ගෙන 11/29 දින රාත්‍රී කටුනායක ගුවන් තොටුපොළ වෙත පැමිණියේය.

මෙම තරගාවලිය තායිලන්තයේ පතායා නුවර , රටවල් 13 ක් ක්‍රීඩකයින් 100 කගේ පමණ සහභාගීත්වයෙන්  ඉකුත් 11/26 දින පවත්වා තිබූ අතර එහිදී ස්පෝර්ට්ස් මොඩ්ල් අංශයෙන් සහ ජීන් මොඩ්ල් අංශයෙන් රන් පදක්කමක් දෙකක් ද , ආධුනික කායවර්ධන අංශයෙන් රිදී පදක්කමක් ද දිනා ගැනීමට සමත් වී තිබුණි.

මෙම ජයග්‍රහණ රැගත් දිලිප් වෙන්සාකර් 11/29 දින රාත්‍රී 10.15 ට තායිලන්තයේ බැංකොක් නුවර සිට එයාර් ඒෂියා ගුවන් සේවයේ එෆ්.ඩී.- 140 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි .

ඔහු පිළිගැනීම සදහා ඔහුගේ සහෝදර ක්‍රීඩක ක්‍රීඩිකාවන් සහ ඔහුගේ නෑදෑ හිතවතුන් පිරිසක් කටුනායක ගුවන් තොටුපොළ වෙත පැමිණ සිටියහ .