ක්‍රිකට් කඩා වැටීම දකින්න අමාරුයි - රසල්

ශ්‍රී ලංකා ක්‍රිකට් ක්‍රිඩාව මේ ආකාරටය පහතට යෑම බලාගෙන සිටීම අපහසු කරුණක් බව හිටපු ක්‍රිකට් ක්‍රීඩක මෙන්ම වත්මන් ක්‍රිකට් විස්තර විචාරක රසල් ආනෝල්ඩ් පවසයි.

සිය ට්විටර් ගිණුමට ඔහු කළ ප්‍රකාශයක දැක්වෙන්නේ මෑත කාලයේදී එවැනි තත්වයකට ශ්‍රී ලංකාව මුහුණ දුන් පළමු අවස්ථාවද මෙය නොවන බවයි.

එසේම ක්‍රීඩාව තුළ කඩා වැටීම ඇති වෙන බවත් එය ක්‍රීඩාවේ අලංකාරය බවත් පෙන්වා දෙන රසල් පසුගිය සති අන්තයේදී ලෝක ශුර නවසීලන්ත රග්බි කණ්ඩායම නවසීලන්තයේදීම පරාජය කිරීමට දකුණු අප්‍රිකව කටයුතු කරනු ඇතැයි කිසිවෙකුත් නොසිතූ බවද ඔහු පවසයි.

එසේම ඇෆ්ගනිස්තාන කණ්ඩායම ලබාගත් ජයග්‍රහණයට සුබ පැතීමටත් රසල් කටයුතු කළේය.