ඕමානය සමග ශ්‍රී ලංකාව පුහුණු තරග දෙකකට

විස්සයි20 ලෝක කුසලාන තරගාවලියට පෙර සූදානම් වීමක් ලෙස ශ්‍රී ලංකා ක්‍රිකට් කණ්ඩායම හා ඕමාන ක්‍රිකට් කණ්ඩායම අතර විස්සයි20 පුහුණු තරග දෙකක් පැවැත්වීමට නියමිත බව ශ්‍රී ලංකා ක්‍රිකට් ආයතනය නිවේදනය කරයි.

මෙවර විස්ස20 ලෝක කුසලාන තරගාවලිය ඕමානයේදී හා එක්සත් අරාබි එමීර් රාජ්‍ය යේදී පැවැත්වෙයි. ඒ සඳහා ශ්‍රී ලංකාව සුදුසුකම් ලැබීමේ තරගාවලියට ක්‍රීඩා කළ යුතු වෙයි.

ඕමානය හා පැවැත්වෙන තරග දෙක ඔක්තෝබර් මස 07 දා හා 9 දා පැවැත්වීමට නියමිතය. ඒ සඳහා එක්වීමට ශ්‍රී ලංකා කණ්ඩායම 03 දා දිවයිනෙන් පිටත්ව යෑමට නියමිතය.

ලෝක කුසලාන තරගාවලිය යටතේ ශ්‍රී ලංකාව නැම්බියාව සමගින් ඔක්තෝබර් 18දාත්, අයර්ලන්තය සමගින් ඔක්තෝබ් 20 දාත්, නෙදර්ලන්තය සමගින් ඔක්තෝබර් 22දාත් තරග කිරීමට නියමිතව තිබේ.

ඊට පෙරාතුව ඔක්තෝබර් 12 දා 14 දා ශ්‍රී ලංකාව පුහුණු තරග දෙකකටත් ක්‍රීඩා කිරීමට නියමිතය.