ඔස්ට්‍රේලියා තරගාවලියටත් භානුක රාජපක්ෂ නෑ

ශ්‍රී ලංකා කණ්ඩායමේ තරග පහකින් සමන්විත ඔස්ට්‍රේලියා විස්සයි20 තරග සංචාරය සඳහා ශ්‍රී ලංකා සංචිතය නම් කර තිබේ. දසුන් ශානකගේ නායකත්වයෙන් හා චරිත් අසලංකගේ උපනායකත්වයෙන් යුත් මෙම සංචිතය සඳහා ක්‍රීඩකයන් 20ක් ඇතුළත් වෙයි.

තරග තහනම නිමවීමෙන් අනතුරුව සිම්බාබ්වේ තරගාවලියට ක්‍රීඩා කළ කුසල් මෙන්ඩිස් කණ්ඩායමට නම්ව ඇති අතර තරග තහනම ඉවත්වූ ධනුෂ්ක ගුණතිලකද කණ්ඩායමට කැඳවා තිබේ.

කෙසේ වෙතත් භානුක රාජපක්ෂ කණ්ඩායමට නම්ව නොමැත.වනිඳු හසරංග හා අවිශ්ක ප්‍රනාන්දු යළිත් කණ්ඩායමට නම්ව තිබේ.

නවක ක්‍රීඩකයන් ලෙසින් ජනිත් ලියනගේ, කමිල් මිෂාර කණ්ඩායමට නම්ව තිබේ.

තරග පහකින් සමන්විත විස්සයි20 තරගාවලිය පෙබරවාරි මස 11 දා ආරම්භවීමට නියමිතය.

ශ්‍රී ලංකා සංචිතය - දසුන් ශානක (නායක), චරිත් අසලංක (උපනායක), අවිශ්ක ප්‍රනාන්දු, පැතුම් නිශ්සංක, ධනුෂ්ක ගුණතිලක, කුසල් මෙන්ඩිස්, දිනේෂ් චන්දිමාල්, චාමික කරුණාරත්න, ජනිත් ලියනගේ, කමින් මිෂාර, රමේෂ් මෙන්ඩිස්, වනිඳු හසරංග, ළහිරු කුමාර, නුවන් තුෂාර, දුෂ්මන්ත චමීර, බිනුර ප්‍රනාන්දු, මහීස් තීක්ෂණ, ජේෆ්රි වැන්ඩසේ, ප්‍රවීන් ජයවික්‍රම, ෂිරාන් ප්‍රනාන්දු