එක්දින ශ්‍රේණිගත කිරීම් හී ශ්‍රී ලාංකික ක්‍රීඩකයන්ට හිමි වූ ස්ථාන

එක්දින ක්‍රිකට් ක්‍රීඩකයන්ගේ නවතම ශ්‍රේණිගත කිරීම් ජාත්‍යන්තර ක්‍රිකට් කවුන්සිලය විසින් ප්‍රකාශයට පත් කර තිබේ.

ඒ අනුව එක්දින පන්දු යවන්නන් අතර 12 වැනි ස්ථානය දක්වා එක් ස්ථානයකින් ඉදිරියට පැමිණීමට ශ්‍රී ලංකාවේ මහීෂ් තීක්ෂණ සමත්ව තිබේ.

එමෙන්ම 16 වැනි ස්ථානය දක්වා පන්දු යවන්නන් අතර ස්ථාන 2කින් ඉදිරියට පැමිණීමට වනිඳු හසරංග සමත්ව ඇත.

මේ අතර එක්දින තුන් ඉරියව් ක්‍රීඩකයන් අතර 36 වැනි ස්ථානය දක්වා ස්ථාන 3කින් ඉදිරියට පැමිණීමට මහීෂ් තීක්ෂණ සමත්ව ඇති අතර, 39 වැනි ස්ථානය දක්වා ස්ථාන 2කින් ඉදිරියට පැමිණීමට චරිත් අසලංක සමත්ව තිබේ. 

මේ අතර එක්දින පිතිකරුවන් අතර තවදුරටත් පැතුම් නිස්සංක 07 වැනි ස්ථානයේත්, චරිත් අසලංක 12 වැනි ස්ථානයේත් පසු වන්නේය.