එංගලන්ත සංචාරයේදී ශ්‍රී ලංකාවේ පිතිකරණ පුහුණුකරු ඉයන් බෙල්

ශ්‍රී ලංකා ක්‍රිකට් කණ්ඩායමේ එංගලන්ත සංචාරයට අදාළව 'පිතිකරණ පුහුණුකරු' ලෙස හිටපු එංගලන්ත පිතිකරු ඉයන් බෙල් පත් කිරීමට ශ්‍රී ලංකා ක්‍රිකට් ආයතනය කටයුතු කර තිබේ.

ඉයන් බෙල් අගෝස්තු 16 වන දින කණ්ඩායම සමඟ සිය රාජකාරී ආරම්භ කිරීමට නියමිත අතර තරග සංචාරය අවසවන් වන තෙක් ඔහු කණ්ඩායමේ පිතිකරණ පුහුණුකරු ලෙස කටයුතු කරනු ඇත.

මෙම සංචාරයට ටෙස්ට් තරඟ තුනක් ඇතුළත් වෙයි. ඉයන් බෙල් ටෙස්ට් තරග 118කට ක්‍රීඩා කර ලකුණු 7727ක් රැස්කර තිබේ. පිතිකරණ සාමාන්‍ය 42.69ක් වන අතර ඔහු ටෙස්ට් ශතක 22ක් රැස්කර තිබේ.